Мой сайт

Daily Mirror-ის ინფორმაციით, მანჩესტერ „იუნაიტედის“ ხელმძღვანელობა უკვე ძალიან ნერვიულობს. ლუის ვან გაალს ტოპ კლასის მცველი სჭირდება იმისათვის, რომ უკანა ხაზის ფორმირება საბოლოოდ მოახდინოს, მაგრამ შეთანხმება ვერც ოტამენდისთან და ვერც სერხიო რამოსთან მოხდა...

ბრიტანულ პრესაზე დაყრდნობით, ფეხბურთის ჰოლანდიელი სპეციალისტი პეპეს შეძენაზეც დაფიქრდა, მისი აზრით პორტუგალიელი ფეხბურთელი 2-3 სეზონის მანძილზე უმაღლეს დონეზე შეძლებს თამაშს, თანაც ბრწყინვალედ ასპარეზობს მეორე სართულზე, სიმაღლე ხელს უწყობს და ინგლისის პრემიერლიგას კარგად მოერგება.

„მანჩესტერელები“ პეპეს 4 წლიან კონტრაქტს შესთავაზებენ, სახელფასო დეტალები კი ჯერ-ჯერობით ცნობილი არ არის.

ასევე არ ვრცელდება ინფორმაცია იმის შესახებ, თუ რა თანხას გადაიხდის ინგლისური კლუბი მადრიდელი „სამიანის“ სანაცვლოდ.

შეგახსენებთ, ბენიტემა ხესუს ვალიეხო დაიმატა, რომელიც ერთი წლით კვლავ „სარაგოსაში“ დარჩება, თუმცა ამ ყველაფერა პეპეს გაყიდვას ხელი სავარაუდოდ არ უნდა შეუშალოს, ვინაიდან გუნდში ირიცხება რაფაელ ვარანი, რომელიც რამოსთან ერთად შესანიშნავ დუეტს ქმნის, ასევე არ უნდა დაგვავიწყდეს ნაჩო, რომელიც მუდმივი სტაბილურობით გამოირჩევა.