რაფა ბენიტესი "ტოტენჰემთან" გასამართი ამხანაგური მატჩის წინ...
"მადრიდის "რეალისთვის" "Audi Cup"-ის მოგება მნიშვნელოვანია. იგივეს ვიტყოდი ყველა იმ ტურნირზე, რომელშიც მონაწილეობას ვიღებთ. ვიცით, რომ ეს რთული იქნება, რადგან დიდი მეტოქეების წინააღმდეგ თამაში მოგვიწევს".
გუნდის ლაზარეთი
"რონალდუ და ბენზემა მადრიდში დარჩნენ, რადგან დილით გარკვეული პრობლემები ჰქონდათ და გვირჩევნია არ გავრისკოთ. ყველაზე მთავარი ფეხბურთელების ჯანმრთელობაა. კოენტრაუს გარდა, სხვა დანარჩენები აქ არიან. ფაბიუ ისევ ლაზარეთშია".
პირველი შთაბეჭდილებები "რეალში" მუშაობიდან
"პირველი შთაბეჭდილებები შესანიშნავია. შესანიშნავი გუნდი მყავს, რომელშიც დიდი ფეხბურთელები თამაშობენ. ისინი ვარჯიშებზე ჩინებულად მუშაობენ და ძალიან კონკურენტუნარიანები არიან. მოხარული ვარ, რომ მუშაობის პირველივე დღიდან ჩემს შეგირდებში გამარჯვების დიდი სურვილი დავინახე".
ბეილზე
"ბეილი ითამაშებს. ის ჩვენთვის უმნიშვნელოვანესი ფეხბურთელია. მის თაობაზე მიღებულ შემოთავაზებებზე არ ვისაუბრებ. გარეთს კარგად თამაშის სურვილი აქვს. ის ბედნიერია და ვარჯიშზე გარკვეული მომენტები დავამუშავეთ. ყველაფერი შესანიშნავად გამოიყურება და ის "რეალის" რიგებში ბრწყინვალე სეზონს ჩაატარებს".
კროოსზე
"გვარდიოლას ვეთანხმები იმაში, რომ კროოსი დიდი ფეხბურთელია. ტონი ითამაშებს და ესპანური ფეხბურთისთვის მისაღებ დონეს აჩვენებს".
ტურნირის მნიშვნელობაზე
"ხვალინდელ მატჩზე ვერაფერს ვიტყვი, მაგრამ ვეცდები პირველ მატჩში გუნდი გავაუმჯობესო და იმედი გვაქვს, ფინალში გავალთ. ეს შესანიშნავი იქნებოდა. ჩვენ მაღალკვალიფიცირებული ფეხბურთელები გვყავს. თითოეულ მატჩს დიდი მნიშვნელობა აქვს. დიდი შემადგენლობა გვყავს და თითოეული შეხვედრის გაანალიზება შეგვიძლია. აქ ძალიან კარგი გუნდების წინააღმდეგ ორ მნიშვნელოვან მატჩს ჩავატარებთ. ორივე მათგანი ჩვენი ფეხბურთელებისთვის ძალიან მნიშვნელოვანი იქნება".
რონალდუზე
"შესანიშნავია, როცა ყოველ მატჩში გამარჯვების სურვილი გაქვს. რონალდუ ნამდვილი პროფესიონალია. იგრძნობა, რომ ის აქ არ არის, მაგრამ ეს პრობლემას არ წარმოადგენს. კრიშტიანუ ძალიან კონკურენტუნარიანია, მაგრამ მას ზურგზე პრობლემები აქვს და შესაბამისად, მოედანზე გასვლასაც ვერ შეძლებს".
ტრანსფერებზე
""რეალმა" რამდენიმე ფეხბურთელი შეიძინა, მაგრამ დიდი შემადგენლობა ჰყავს. ჩემი პასუხისმგებლობა ამ გუნდთან ერთად მუშაობის გაგრძელებაში მდგომარეობს. როგორც ყოველთვის, ეს გუნდი კვლავ კონკურენტუნარიანი უნდა იყოს".
ბენზემას მომავალზე
"ვფიქრობ, ის დარჩება. ბენზემას "რეალიდან" წასვლის მიზეზს ვერ ვხედავ. მასთან ერთად ძალიან ბედნიერები ვართ".
დე ხეაზე
"წინა ხუთ პრესკონფერენციაზე ვთქვი, რომ არ მსურს იმ ფეხბურთელებზე საუბარი, რომლებიც ჩვენს გუნდში არ ირიცხებიან. სამი ძალიან კარგი გოლკიპერი გვყავს. მხოლოდ ჩემს განკარგულებაში მყოფ მეკარეებზე საუბარი შემიძლია".
|